Gardex.ge-ს ყველაზე მომხიბვლელი და მსოფლიოს ყველაზე ძვირადღირებული ნაძვის ხეები

ძვირადღირებული მხოლოდ ვილა, იახტა და ავტომობილი კი არ ყოფილა, შენ ხარ ჩემი ბატონი, სასწაული ფასების მქონე ნაძვის ხეებსაც ქმნიან ვიღაც-ვიღაცები. უფრო მეტიც, ყველაზე ძვირადღირებული ნაძვის ხის ფასად კაი გემრიელ ვილასაც იყიდის კაცი (ქალიც), გასისინებულ მანქანასაც და იახტაზე კი ჰა და ჰა ცოტა სამომხმარებლო სესხის დამატება დასჭირდეს.

ფაქტია, მოთხოვნა არსებობს და შესაბამისად, მიწოდებაც – ვიღაცას 14 მილიონიანი ნაძვის ხე უნდა, სხვებს – ხელმისაწვდომი და არანაკლებ ლამაზი, მშვენიერი და განწყობის ასამაღლებელი, ზუსტად ისეთი, რასაც Gardex.ge გთავაზობთ.

როგორი ნაძვისხე გაგილამაზებთ 2024 წლის პირველი დღეების განწყობას და მაგალითად, Gardex.ge-ზე შეგიძლიათ, შეარჩიოთ გირჩებიანი ნაძვის ხე, რომელსაც რა თქმა უნდა, არ მოჰყვება არც ციყვები და არც კოდალა დაუწყებს კაკუნს, მაგრამ სამაგიეროდ, აუცილებლად მოხიბლავთ ოჯახის წევრებსაც და სტუმრებსაც.

ასევე, ჩვენთან შეარჩევთ ფიფქებითა და ფანტელებით მორთულ და რასაკვირველია, მწვანე ფერის ნაძვის ხეებსაც.

მოკლედ, თქვენ მხოლოდ ფორმებსა და ზომებთან დაკავშირებით მიიღეთ გადაწყვეტილება, დანარჩენი ძალიან მარტივად დალაგდება.

ახლა ასეთ კითხვას უპასუხეთ: როგორ ფიქრობთ, დაახლოებით რა შეიძლება ღირდეს მსოფლიოში ყველაზე ძვირადღირებული ნაძვის ხე? მინიშნებასაც მოგცემთ – ზემოთ ეს თანხა უკვე ნახსენებია…

ჰო, რაც არ უნდა გასაკვირად მოგეჩვენოთ, ყველაზე ძვირფასი ნაძვის ხე 14 მილიონი და ცოტა უფრო მეტიც დაჯდა, თუმცა სანამ მასზე მოგაწვდით სრულ ინფორმაციას, რეიტინგის მე-9 ადგილოსანს გაგაცნობთ, რომელიც გაცილებით „იაფია“:

• ბრილიანტის ნაძვის ხე. ღირებულება: 1,005 მილიონი აშშ დოლარი

2007 წელს, სინგაპურის ერთ-ერთ სავაჭრო ცენტრში არც მეტი, არც ნაკლები, ბრილიანტის ნაძვის ხე აღმართეს.

ცნობილია, რომ ნაძვის ხის გაფორმებისთვის, იუველირებმა, საერთო ჯამში, 21 798 ბრილიანტი გამოიყენეს. ასევე, დასჭირდათ ბროლის 3763 დეტალი და 456 ნათურა.

ნაძვის ხის სიმაღლე 6 მეტრი გახლდათ, წონა – 3215 კილოგრამი.

• ოქროს ნაძვის ხე. ღირებულება: 1,6 მილიონი აშშ დოლარი

24-კარატიანი ოქროს ნაძვის ხის ხილვა 2008 წელს, იაპონიის ერთ-ერთ საიუველირო მაღაზიაში იყო შესაძლებელი.

ოქროს გარდა, გაფორმებისთვის 240 ძვირფასი ქვა, მათ შორის, ბრილიანტი და მარგალიტი გამოიყენეს.

სიმაღლე და წონა არც ისე შთამბეჭდავი იყო, როგორც ბრილიანტის ნაძვის ხის შემთხვევაში – 1,5 მეტრი და 24 კილოგრამი.

• ვარდის მინი ნაძვის ხე. ღირებულება: 1,8 მილიონი აშშ დოლარი

ზომა სულაც არ არის გადამწყვეტი ფაქტორი და აგერ, საბუთიც – სულ რაღაც 37 სანტიმეტრიანი ნაძვის ხის ფასი 1,8 მილიონი გახლავთ.

მინი ნაძვის ხე ვარდის გამხმარი ფურცლებისგან იყო შექმნილი, რომლებზეც ბრილიანტები ბრწყინავდა – ჯამში, 400 ცალი.

ნაძვის ხე იაპონიაში შექმნეს და გაყიდვა სცადეს, თუმცა მყიდველი არ გამოჩნდა…

• ოქროს ნაძვის ხე. ღირებულება: 1,8 მილიონი აშშ დოლარი

კიდევ ერთი ოქროს ნაძვის ხე, რომელიც 2016 წელს იაპონიის ერთ-ერთ მოდურ ბუტიკში გამოფინეს.

ნაძვის ხე 19 კილოგრამი 24-კარატიანი ოქროთი შეიქმნა.

• ოქროს ნაძვის ხე. ღირებულება: 1,95 მილიონი აშშ დოლარი

კვლავაც ოქრო და კვლავაც იაპონია. ცნობილია ისიც, რომ მხოლოდ ვარსკვლავი, რომელიც ნაძვის ხის კენწეროში იყო დამაგრებული, 65 ათასი დოლარი დაჯდა.

• ოქროს ნაძვის ხე. ღირებულება: 2,6 მილიონი აშშ დოლარი

არც გერმანელებმა თქვეს უარი ოქროს ნაძვის ხის შექმნაზე და 2018 წელს გაიბრწყინეს.

ოქროს მონეტებისგან შექმნილი ნაძვის ხის წონა 60 კილოგრამი გახლდათ.

• ოქროს ნაძვის ხე. ღირებულება: 4,2 მილიონი აშშ დოლარი

40 კილო სუფთა ოქროსგან შექმნილი ნაძვის ხე უოლტ დისნეის 110 წლის იუბილეზე, 2013 წელს წარადგინეს.

საიუბილეო თარიღთან დაკავშირებით, ოქროს ნაძვის ხის ვერცხლის ანალოგიც შეიქმნა, რომლის ფასი 243 ათასი დოლარი იყო და რომელიც მალევე გაიყიდა.

• ყოფილი რეკორდსმენი აბუ-დაბიდან. ღირებულება 11,4 მილიონი აშშ დოლარი

2010 წლიდან 2019 წლამდე მსოფლიოში ყველაზე ძვირადღირებულად აბუ-დაბის ერთ-ერთ სასტუმროში აღმართული ნაძვის ხე სახელდებოდა, რომელიც რაც კი რამე ძვირფასი არსებობს სამყაროში, ყველაფრისგან იყო შექმნილი.

• დიზაინერული ნაძვის ხე დები უინგჰემისგან. ღირებულება: 14 მილიონი აშშ დოლარი

6-მეტრიანი რეკორდსმენის ხილვა 2019 წელს ესპანეთში, კერძოდ კი მარბელა ერთ-ერთ სასტუმროში იყო შესაძლებელი. ერთი კია, მნახველებს მიახლოების უფლებას არ აძლევდნენ.

ცნობილმა ბრიტანელმა დიზაინერმა, მსოფლიოში ყველაზე ძვირადღირებული ნაძვის ხისთვის 500 სათამაშო ხელით შექმნა და ყველა, რაღა თქმა უნდა, ძვირფასი ლითონისგან იყო დამზადებული.

ეს ყველაფერი კარგი, მთავარი, იცით, რა არის? დიახ – ჯანმრთელობა!

Gardex.ge დამდეგს გილოცავთ!